Рамазан Құсайынұлы Садық

Рамазан Құсайынұлы Садық тегі 1931 жылдың 21 қаңтарында Қарағанды облысы қазіргі Бұқар жырау ауданына қарасты Буденный кеңшарында туған. 1947 жылы Егіндібұлақ орта мектебінің жетінші сыныбын аяқтап, Қарқаралы қаласындағы «Абай» атындағы педагогикалық училищесін 1950 жылы бітіріп, «бастауыш мектеп оқытушысы» маманы бойынша Қу ауданына қарасты Қоянды МЖС-і жанындағы жаңадан ашылған бастауыш мектебінде меңгеруші, мұғалімдік міндетін атқарды. Әскери міндетін атқарып келген соң ұстаздық кәсібін жалғастырды. 1965-1975 жылдар аралығында Қаратау совхозы кәсіпшілер одағының төрағасы болып еңбек етеді. 1975-1984 жылдар аралығында Егіндібұлақ ауданының Алғабас ауылдық кеңесі төрағасының қызметін атқарады. 1984 жылы Егіндібұлақ ауданының Сарытау ауылдық кеңесінің төрағасы болып тағайындалады. Қазіргі таңда Абай ауданының Топар кентінде тұрады.

«Бертіс-Баян»