Боташ Ноғаева

Боташ Ноғаева 1962 жылдың 5 тамызында қазіргі Қарағанды облысы, Шет ауданы, Жарылғап ауылында (бұрынғы Жезқазған облысы, Ақадыр ауданы, Ақшатау совхозында) дүниеге келді. Жарылғап ауылындағы Жүсіп Алтайбаев атындағы орта мектепті 1979 жылы бітірді. Қарағанды қаласындағы Есеп-кредит техникумын «бухгалтер» мамандығы және Орталық Қазақстан Академиясын «Экономика» мамандығы бойынша үздік дипломмен бітірді. Қазіргі кезде Қарағанды облысы, Абай ауданы, Абай қаласындағы «Абай ауданының ішкі саясат, мәдениет және тілдерді дамыту бөлімі» мемлекеттік мекемесінде еңбек етуде және «Парасат» Қазақ тіліқоғамы» қоғамдық бірлестігінің төрағасы.

Халықаралық «Түркі әлемі» фестивалінің, республикалық Майра Уәлиқызы және облыстық Күләш Бәйсейітова атындағы термешілер байқауының Бас жүлдегері. Өнер саласында айтулы атқарған шығармашылық еңбектері үшін Қарағанды облысы әкімі, Абай аудан әкімі сыйлықтарының лауреаты атанып, басқа да көптеген марапаттарға ие болды.

2020 жылы өмірден озды

«Қанатты ән, жақұтты жыр»